Robin van Persie og Carlos Vela munu leika með ný númer á bakinu á komandi tímabili.

Þetta varð ljóst í dag þegar fréttaritari skoðaði leikmannahóp Arsenal en þar kom í ljós að van Persie mun bera hina sögufrægu tíu sem Dennis Bergkamp klæddist lengi vel. Þá mun Carlos Vela einnig lækka númer sitt um einn en hann mun spila númer 11 í stað 12 á komandi tímabili.

Þann 7. júlí birtist hér frétt á arsenalfc.is þar sem staðfest var að van Persie mun ekki leika í treyju númer 11 á komandi tímabili og hefur nú fengist staðfest hvaða númer hann hefur fyrir treyjuóða áhangendur sem vilja fjárfesta í treyjum með nafni og númeri Persie á bakinu.

-ADK