Arsenal gaf í dag út yfirlýsingu þar sem því var lýst yfir að hinn alræmdi Vuvuzela lúður er ekki leyfilegur á Emirates Stadium í vetur. Tekur reglan umsvifalaust gildi.

Lið Arsenal hefur ekki enn spilað á Emirates Stadium síðan fyrir heimsmeistaramót þar sem að Vuvuzela lúðurinn aflaði sér vinsælda, því er nokk víst að ef fram fer sem horfir mun þetta suður afríska hljóðfæri aldrei verða leyft á Emirates Stadium.

Lúðurinn aflaði sér töluverðrar eftirtekningar á heimsmeistaramótinu í sumar en það kom þó í ljós að enginn var hlutlaus gagnvart lúðrinum. Stærsti hluti almennra áhangenda þoldi ekki lúðurinn en þó voru þeir til sem að unnu honum og því andrúmslofti sem honum fylgdi.

Fyrir ykkur sem hafið gleymt hinum ljúfu tónum Vuvuzela er hægt að nálgast þá í undirspili fyrir arsenalfc.is með því að smella hér.

-ADK